Advertisement

వితంతువు, ఆమె స్నేహితుడికి శిరోముండనం చేసి ఊరేగించిన గ్రామస్థులు

Aug 27 2020 @ 11:51AM

కాన్పూర్ (ఉత్తరప్రదేశ్): ఓ వితంతువు, దివ్యాంగుడు సహజీవనం చేస్తున్నారనే ఆగ్రహంతో గ్రామస్థులు వారిద్దరికి శిరోముండనం చేసి, మెడలో చెప్పుల దండ వేసి ఊరేగించిన ఘటన ఉత్తరప్రదేశ్ రాష్ట్రంలోని కన్నౌజ్ గ్రామంలో జరిగింది. కాన్పూర్  నగరానికి 100కిలోమీటర్లదూరంలోని గురసహాయ్ గుంజ్ గ్రామానికి చెందిన 40 ఏళ్ల మహిళ భర్త మూడేళ్ల క్రితం మరణించాడు. అప్పటి నుంచి ఓ దివ్వాంగుడు వితంతువుతో సహజీవనం చేస్తున్నాడు. దీనిపై ఆగ్రహించిన వితంతువు కుటుంబసభ్యులు, గ్రామస్థులు వారిద్దరికి శిరోముండనం చేసి, మెడలో చెప్పుల దండలు వేసి గ్రామంలో ఊరేగించారు. ఈ ఘటనలో గాయపడిన వారిని ఆసుపత్రికి తరలించారు. బాధితుల ఫిర్యాదు మేర పోలీసులు నిందితులను అదుపులోకి తీసుకున్నారు. 

Follow Us on:
Advertisement
Advertisement
అంతర్జాలంలో ప్రకటనల కొరకు సంప్రదించండి
For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.