వర్షాలు కురవాలని గీతాగానం చేస్తూ నగ్నంగా రోడ్లపై పరుగులు!

Published: Tue, 07 Sep 2021 08:08:16 ISTfb-iconwhatsapp-icontwitter-icon
వర్షాలు కురవాలని గీతాగానం చేస్తూ నగ్నంగా రోడ్లపై పరుగులు!

దమోహ్: మధ్యప్రదేశ్‌లోని దమోహ్ జిల్లాలో గత ఏడాదితో పోలిస్తే ఈసారి వర్షాలు తక్కువగా కురుస్తున్నాయి. ఫలితంగా వరి పంట ఎండిపోతోంది. దీంతో జిల్లాలో సమృద్ధిగా వర్షాలు కురవాలని వివిధ గ్రామాల్లో ఆచారాల పేరిట మూఢనమ్మకాలతో కూడిన కార్యక్రమాలు నిర్వహిస్తున్నారు. ఈ నేపధ్యంలో దామోహ్ జిల్లాలోని బనియా గ్రామంలో జరిగిన తంతు గురించి తెలిస్తే ఎవరైనా సరే తెగ ఆశ్చర్యపోతారు. 

ఈ గ్రామానికి చెందిన మహిళలు తమ చిన్నారుల వంటిమీదనున్న దుస్తులు విప్పి, వారి చేత గీతాగానం చేయిస్తూ రోడ్లపై పరుగులు పెట్టించారు. గ్రామంలో వర్షాలు కురవక పంటలు ఎండిపోతున్నాయని, చిన్నారులను నగ్నంగా ఊరేగిస్తే, వర్షాలు కురుస్తాయని నమ్ముతున్నామని గ్రామానికి చెందిన మహిళలు తెలిపారు. ఈ కార్యక్రమం కోసం గ్రామంలోని మహిళలంతా ఒకచోట చేరి, కప్పలకు తాళ్లు కట్టారు. తరువాత తమ ఇళ్లలోని చిన్నారులను నగ్నంగా మార్చి వారి భుజాలపై... తాళ్లతో కట్టిన కప్పలను ఉంచి వారిని గ్రామంలో ఊరేగించారు. అయితే పోలీసులకు ఈ ఉదంతం గురించి తెలియడంతో వారు చర్యలకు ఉపక్రమించారు.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.