Breaking News: సీఎం పదవికి యోగి రాజీనామా

Published: Fri, 11 Mar 2022 18:36:55 ISTfb-iconwhatsapp-icontwitter-icon
Breaking News: సీఎం పదవికి యోగి రాజీనామా

లఖ్‌నవూ: ఉత్తరప్రదేశ్ ముఖ్యమంత్రి యోగి ఆదిత్యనాథ్ రాజీనామా చేశారు. శుక్రవారం ఆయన రాజ్‌భవన్‌కు వెళ్లి గవర్నర్ ఆనందిబెన్‌ను కలిసి తన రాజీనామా లేఖను అందించారు. ఐదేళ్ల పాలన పూర్తి చేసుకున్న యోగి ఆదిత్యనాథ్ తాజా ఎన్నికల్లో ఘన విజయం సాధించి మరోసారి ముఖ్యమంత్రిగా ప్రమాణ స్వీకారం చేయబోతున్నారు. ఉత్తరప్రదేశ్ రాజకీయాల్లో గత మూడు దశాబ్దాల అనంతరం వరుసగా రెండోసారి ఎన్నికైన ఏకైక ముఖ్యమంత్రిగా యోగి ఆదిత్యనాథ్ రికార్డ్ సృష్టించారు.

కొద్ది రోజుల క్రితం జరిగిన ఉత్తరప్రదేశ్ అసెంబ్లీ ఎన్నికల పోలింగ్ ఫలితాలు గురువారం విడుదల అయ్యాయి. ఈ ఫలితాల్లో భారతీయ జనతా పార్టీ మరోసారి అధికారాన్ని నిలబెట్టుకుంది. 2017 అసెంబ్లీ ఎన్నికలతో పోలిస్తే 57 తగ్గినప్పటికీ 403 అసెంబ్లీ స్థానాలున్న ఉత్తరప్రదేశ్‌లో 255 స్థానాలు గెలుచుకుని ఏకఛత్రాధిపత్యాన్ని దక్కించుకుంది. ఇక ఎస్పీ గత ఎన్నికలతో పోల్చుకుంటే 67 స్థానాలు అధికంగా గెలిచి 111 సీట్లు సాధించినప్పటికీ అధికారాన్ని దక్కించుకోలేకపోయింది. కాంగ్రెస్, బీఎస్పీ సింగిల్ డిజిట్‌లో ఆగిపోయాయి.

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.