పక్కింట్లోంచి తీవ్ర దుర్వాసన.. ఏంటని అడిగినా స్పందించని 26 ఏళ్ల యువతి.. పోలీసులు తలుపులు పగలగొట్టి చూస్తే..

Published: Fri, 20 May 2022 19:17:05 ISTfb-iconwhatsapp-icontwitter-icon
పక్కింట్లోంచి తీవ్ర దుర్వాసన.. ఏంటని అడిగినా స్పందించని 26 ఏళ్ల యువతి.. పోలీసులు తలుపులు పగలగొట్టి చూస్తే..

ఇంటర్నెట్ డెస్క్: కొద్ది రోజులుగా పక్కింట్లోంచి దుర్వాసన వస్తుంటే తొలుత స్థానికులు లైట్ తీసుకున్నారు. అయితే క్రమంగా భరించలేనంత దుర్వాసన రావడంతో ఇంట్లో నివసించే 26ఏళ్ల యువతిని ప్రశ్నించారు. కానీ ఆమె నుంచి ఎటువంటి స్పందన రాకపోవడంతో స్థానికులు పోలీసులకు ఫోన్ చేశారు. అధికారులు వచ్చి తలుపులు పగలగొట్టారు. తర్వాత అక్కడ కనిపించిన దృశ్యం చూసి షాకయ్యారు. ఇంతకూ ఏం జరిగిందనే వివరాల్లోకి వెళితే..


లక్నోకు చెందిన సునితా దీక్షిత్ హెచ్ఏఎల్ ఇంజినీర్‌గా పని చేసి పదవీ విరమణ పొందింది. అనంతరం తన 26ఏళ్ల కూతురు‌ అంకితతో కలసి ఇందిరా నగర్ అనే ప్రాంతంలో నివసిస్తోంది. అయితే ఏమైందో ఏమో తెలియదు కానీ.. సునితా దీక్షిత్ కొద్ది రోజుల క్రితం మరణించారు. అయితే తన తల్లి మరణించిన విషయాన్ని అంకిత మాత్రం ఎవ్వరికీ చెప్పలేదు. ఇలా 10 రోజులు గడిచిపోయాయి. అయితే సునితా దీక్షిత్ ఇంట్లోంచి తీవ్ర దుర్వాసన రావడంతో.. స్థానికులు అనుమానం వ్యక్తం చేశారు. అంకితను అడిగి విషయం తెలుసుకునే ప్రయత్నం చేశారు. 


కానీ ఆమె నుంచి ఎటువంటి ఆన్సర్ రాకపోవడంతో పోలీసులకు ఫోన్ చేశారు. దీంతో అక్కడకు చేరుకున్న అధికారులు.. తలుపులు పగలగొట్టి ఇంట్లోకి ప్రవేశించారు. అనంతరం అక్కడ కనిపించిన దృశ్యం చూసి కంగుతిన్నారు. కుళ్లుపోయిన స్థితిలో ఉన్న తల్లి మృతదేహాన్ని ఇంట్లోనే పెట్టుకుని.. అంకిత నివసిస్తోందని గ్రహించి షాకయ్యారు. ఈ క్రమంలోనే మృతదేహాన్ని పోస్ట్ మార్టం నిమిత్తం ఆసుపత్రికి తరలించారు. కాగా.. ప్రచి సింగ్‌ అనే వ్యక్తితో సునితా దీక్షిత్ వివాహం 1999లో జరిగిందనీ.. పెళ్లైన కొన్నేళ్లకే ఆ దంపతులు విడిపోయారని పోలీసులు వెల్లడించారు. అప్పటి నుంచి కూతురు బాగోగులు చూసుకుంటూ సునితా దీక్షిత్ జాబ్ చేసిందని చెప్పుకొచ్చారు. అయితే అంకిత మానసికంగా సమస్యలు ఎదుర్కొంటోందని అందుకే తల్లి మరణించినా ఆ విషయాన్ని ఎవరితోనూ పంచుకోలదని వివరించారు. 


Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.