LOVER కు పెళ్లయిపోయింది.. ఇక నువ్ పెళ్లి చేసుకో అని యువకుడ్ని కుటుంబ సభ్యులు ఒత్తిడి చేయగా...!
ABN , First Publish Date - 2021-08-10T19:07:09+05:30 IST
పెళ్లిచేసుకోవాలని శివకుమార్ను కూడా ఇంట్లో వారు ఒత్తిడిచేశారు. ఈ క్రమంలో
చిత్తూరు జిల్లా/సోమల : ప్రేమించిన అమ్మాయికి పెళ్లియి పోయిందని ఓ యువకుడు ఆత్మహత్య చేసుకున్నాడు. ఎస్ఐ లక్ష్మీకాంత్ కథనం మేరకు.. సోమల మండలం ఆవులపల్లెకు చెందిన శివ కుమార్ (29) ఓ యువతిని ప్రేమించాడు. ఆమెకు వివాహం జరిగిపోవడంతో మానసికంగా బాధపడే వాడు. ఇటీవల అతడి తమ్ముడికి వివాహమైంది. దీంతో పెళ్లిచేసుకోవాలని శివకుమార్ను కూడా ఇంట్లో వారు ఒత్తిడిచేశారు. ఈ క్రమంలో శనివారం ఇంటి నుంచి వెళ్లాడు. ఈ నేపథ్యంలో గ్రామ సమీపంలోని చెట్టుకు ఉరేసుకుని చనిపోయాడు. స్థానికులు గుర్తించి కుటుంబసభ్యులకు తెలిపారు. మృతుడి తండ్రి మునిరాజ ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. మృతదేహాన్ని పుంగనూరు ప్రభుత్వవైద్యశాలకు తరలించారు.