కంగారులను కంగారుపెట్టిన జింబాబ్వే.. ఆసీస్ గడ్డపై 18 ఏళ్ల తర్వాత చారిత్రాత్మక విజయం
ABN , First Publish Date - 2022-09-03T18:14:01+05:30 IST
18 ఏళ్ల తర్వాత ఆస్ట్రేలియా(Australia) గడ్డపై ఆడుతోన్న జింబాబ్వే సంచలన రికార్డ్(Zimbabwe sensational record) సృష్టించింది
టౌన్స్విల్లీ: 18 ఏళ్ల తర్వాత ఆస్ట్రేలియా(Australia) గడ్డపై ఆడుతోన్న జింబాబ్వే సంచలన రికార్డ్(Zimbabwe sensational record) సృష్టించింది. 18 ఏళ్లుగా ఆసీస్ గడ్డపై విజయం సాధించాలని కసితో ఉన్న జింబాబ్వే.. నేడు ఆ కలను సమిష్టి కృషితో నేరవేర్చుకుంది. ఇక..మ్యాచ్ వివరాల్లోకి వెళ్తే.. ఆస్ట్రేలియా- జింబాబ్వే(Australia-Zimbabwe) మధ్య జరుగుతున్న మూడో వన్డేలో ఆసీస్కు గట్టి షాక్ తగిలింది. జింబాబ్వే జట్టు మూడు వికెట్ల తేడాతో ఆస్ట్రేలియాపై ఘన విజయం సాధించింది. 141 పరుగుల స్వల్ప లక్ష్యాన్ని 39 ఓవర్లలో 7 వికెట్లను కోల్పోయి చేధించింది. జింబాబ్వే బ్యాటింగ్లో తడివానాశే మారుమని 35, చకబ్వా 37 రన్స్ చేసి రాణించడంతో జింబాబ్వే జట్టు విజయం సాధించింది. ఆసీస్ బౌలర్లలో హాజిల్వుడ్కు 3 వికెట్లు దక్కగా..కామెరాన్, గ్రీన్, మార్కస్ స్టోయినిస్, అష్టన్ అగర్ కు తలో వికెట్ తీసుకున్నారు.
అంతకుముందు టాస్ ఓడి ఆస్ట్రేలియా టీమ్..బ్యాటింగ్ దిగింది. జింబాబ్వే బౌలర్ల ధాటికి ఆసీస్ జట్టు 141 పరుగులకే కుప్పకూలింది. జింబాబ్వే బౌలర్ ర్యాన్ బర్ల్ 5 వికెట్లు తీసి ఆస్ట్రేలియా బ్యాటింగ్ ఆర్డర్ను కోలుకోలేని దెబ్బతీశాడు. తనకు తోడుగా ఎవాన్స్ రెండు, విలియమ్స్, న్యాచీ, నగర్వా తలా వికెట్ తీసుకున్నారు. ఆసీస్ బ్యాటింగ్లో వార్నర్ మాత్రమే 94 రన్స్ చేసి ఒంటరి పోరాటం చేయగా..మిగతా ఆటగాళ్లు మొత్తం కలిసి 47 రన్స్ చేయడంతో..31 ఓవర్లలో 141 పరుగులు చేయగలిగింది.