5 కె రన్‌... జాగ్రత్తలు ఎలా?

Published: Fri, 08 Oct 2021 11:42:05 ISTfb-iconwhatsapp-icontwitter-icon
5 కె రన్‌... జాగ్రత్తలు ఎలా?


ఆంధ్రజ్యోతి(08-10-2021)

ప్రశ్న: అయిదు కిలోమీటర్ల పరుగులో పాల్గొందామనుకుంటున్నాను. ఆహారపరంగా ఎలాంటి జాగ్రత్తలు తీసుకోవాలి?


- కిరణ్‌, హైదరాబాద్‌


డాక్టర్ సమాధానం: మీరు ఐదు కిలోమీటర్ల పరుగులో పాల్గొనేందుకు కనీసం నెల ముందు నుంచి సాధన చేయాల్సి ఉంటుంది. సాధన లేదా శిక్షణ సమయంలో కూడా సరైన ఆహారం తీసుకుంటే పరుగు మీరు అనుకున్నట్టుగా పూర్తి చేయగలుగుతారు. పరుగు లేదా ప్రాక్టీస్‌కు ముందు తేలికగా శక్తినిచ్చే అరటిపండు, యాపిల్‌, ఖర్జూరాలు, ఎండు ద్రాక్ష మొదలైనవి తీసుకుంటే పరుగెత్తేందుకు అవసరమైన గ్లూకోజు రక్తంలో ఏర్పడుతుంది. పరుగెత్తేటప్పుడు హైడ్రేషన్‌ (తగినంత నీరు తాగడం) కూడా చాలా ముఖ్యం. పరుగుకు అరగంట ముందే ఓ గ్లాసు నీటిని తాగినట్టయితే డీహైడ్రేషన్‌ సమస్య లేకుండా ఉంటుంది. పరుగు ముగించిన తరువాత మీరు చెమట ద్వారా కోల్పోయిన నీటిని, సోడియం, పొటాషియం లాంటి ఖనిజాలను ఆహారం ద్వారా త్వరగా తిరిగి పొందేందుకు ప్రయత్నించాలి. పరుగు ముగించిన వెంటనే నీరు, కొబ్బరి నీరు, ఉప్పు వేసిన నిమ్మరసం, మజ్జిగ మొదలైనవి తాగవచ్చు. తరువాత గంటలోపు కార్బోహైడ్రేట్స్‌, ప్రోటీన్లు ఉండే ఆహారాన్ని తీసుకుంటే పరుగు ద్వారా వచ్చిన అలసటను కూడా త్వరగా అధిగమించవచ్చు.


డా. లహరి సూరపనేని

న్యూట్రిషనిస్ట్‌, వెల్‌నెస్‌ కన్సల్టెంట్‌

nutrifulyou.com(పాఠకులు తమ సందేహాలను 

[email protected] కు పంపవచ్చు)

Follow Us on:
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.